 Cebuano
|
Hiligaynon
|
Tagalog
|
 English
|
 More
|
||
| ANG LOVE LETTER SA AMAHANG DIYOS |
| AKONG ANAK... |
|
Siguro wala ka kaila kanako pero ako nakaila gayod kanimo.
Salmo 139:1 Nahibalo ako kong kanus-a ka molingkod ug motindog. Salmo 139:2 Nahibalo ako sa tanan mong buhaton. Salmo 139:3 Bisan sa matag buhok sa imong ulo akong inihap. Mateo 10: 29-31 Kay gihimo ko ikaw sama sa akong panagway. Genesis 1:27 Ug tungod diha kanako ikaw nabuhi,namuhat ug nakabaton ug kinabuhi. Buhat 17:28 Kay ikaw man gikan kanako. Buhat 17:28 Nailhan ko na ikaw samtang anaa paka sulod sa tagoangkan sa imong inahan. Jeremias 1:4-5 Gipili ko ikaw sa dihang gi plano ko ang pagbuhat sa kalibutan. Efeso 1:11-12 Dili ikaw usa ka sayop tungod kay tanan nimong adlaw nahisulat na sa akong libro. Salmo 139:15-16 Ako ng gitakda ang saktong panahon sa imong pagkatawo ug ang dapit nga imong puy-an. Buhat 17:26 Katingalahan ug kahibulongan ang pagbuhat kanimo. Salmo 139:14 Ako ang nag-umol kanimo sa sabakan sa imong inahan. Salmo 139:13 Ug gipakatawo ko ikaw sa adlaw sa imong natawhan. Salmo 71:6 Sayop ang ilang pagkaila kanako sa mga tawong wala nakaila kong kinsa ako. Juan 8:41-44 Dili ako halayo ug masuk-onon hinoon ako ang hingpit na pamatuod sa gugma. 1 Juan 4:16 Ang akong pangandoy nga tagbawon ka sa akong gugma. 1 Juan 3:1 Tungod kay ikaw akong anak ug ako imong amahan. 1 Juan 3:1 Ihatag ko kanimo labaw pa sa ikahatag sa imong tawhanong amahan. Mateo 7:11 Kay ako ang hingpit nga Amahan. Mateo 5:48 Ang tanan maayong gasa nga imong naangkon gikan sa akong mga kamot. Santiago 1:17 Kay ako ang imong tagahatag ug pagatagboon nako ang tanan nimong kinahanglan. Mateo 6:31-33 Ang akong plano alang sa imong kaugmaon kanunay puno ug paglaom. Jeremias 29:11 Tungod kay gihigugma ko ikaw sa gugmang walay katapusan. Jeremias 31:3 Ang akong huna-huna alang kanimo sama sa kadaghanon sa baybay sa baybayon. Salmo 139:17-18 Ug magmalipayon ako diha kanimo uban sa pag-awit. Sofonias 3:17 Dili ako mohunong sa pagbuhat ug maayo kanimo. Jeremias 32:40 Kay ikaw ang akong bililhong bahandi. Exodo 19:5 Akong pangandoy na lig-onon ka tibook kong kasing-kasing ug kalag. Jeremias 32:41 Ug gusto nakong ipakita kanimo ang dagko ug makahibulongang mga butang. Jeremias 33:3 Kong pangitaon mo ako sa bug-os mong kasing-kasing makaplagan mo ako. Deuteronomio 4:29 Paglipay diha kanako ug ihatag ko kanimo ang tinguha sa imong kasing-kasing. Salmo 37:4 Tungod kay ako ang naghatag kanimo ana nga tinguha. Filipos 2:13 Makahimo ako labaw pa sa imong posibling gihuna-huna. Efeso 3:20 Tungod kay ako ang imong labaw nga magdadasig. 2 Tesalonica 2:16-17 Ako usab ang imong amahan nga nagadasig kanimo sa tanan nimong mga kagul-anan. 2 Corinto 1:3-4 Kong ang imong kasing-kasing nagmasulob-on haduol ako kanimo. Salmo 34:18 Sama sa pagkugos sa magbalantay sa karnero, gikugos ko ikaw suod sa akong kasing-kasing. Isaias 40:11 Usa unya ka adlaw akong pahiran ang matag luha sa imong mga mata. Gipadayag 21:3-4 Ug akong kuhaon ang tanang sakit nga imong giantos dinhi sa kalibotan. Gipadayag 21:3-4 Ako ang imong amahan ug gihigugma ko ikaw sama sa akong paghigugma sa akong anak nga si Hesus. Juan 17:23 Tungod diha kang Hesus ang akong gugma naipakita. Juan 17:26 Siya ang tukmang hulagway sa akong pagka Ako. Hebreo 1:3 Mianhi sya aron ipakita nga ako para kanimo ug dili batok kanimo. Roma 8:31 Ug sultihan ko ikaw nga wala nako bilanga ang imong mga sala. 2 Corinto 5:18-19 Si Hesus namatay aron ikaw ug ako mapasig-uli. 2 Corinto 5:18-19 Ang iyang kamatayon mao ang hingpit nga pagpakita sa akong gugma kanimo. 1 Juan 4:10 Akong gibiyaan ang tanang nakong gihigugma aron maangkon ko ang imong gugma. Roma 8:31-32 Kong dawaton mo ang regalo sa akong anak na si Hesus gidawat mo usab ako. 1 Juan 2:23 Ug wala na gayoy bisan unsa nga makapahimulag kanimo gikan sa akong gugma. Roma 8:38-39 Balik na kanako ug mahitabo ang pinaka dakong kombira na makita sa langit. Lucas 15:7 Ako kanunay ang Amahan ug magpabiling Amahan. Efeso 3:14-15 Ang akong pangutana… Mahimo ka bang akong anak? Juan 1:12-13 Naghulat ako kanimo. Lucas 15:11-32 |
Nagmahal kanimo,, |
|
Mwani Father's Love Letter from Barry Adams on Vimeo. |
| Permission To Copy: Please feel free to copy this text and share it with your friends as long as you do so free of charge and you include the following copyright information... "Father's Love Letter Used By Permission Father Heart Communications Copyright 1999-2008 Translated by Chantal Buffet "http://www.fathersloveletter.com/Mwani/" |